2024 ОНЫ АЖЛАА ДҮГНЭН, ШИЛДГҮҮДЭЭ ТОДРУУЛЛАА
Барилгын салбарын шилдэг аж ахуйн нэгж НУТГИЙН БУЯН ГРУПП нь 2024 оны ажлуудаа дүгнэн хэлэлцэж ирэх онд хийгдэх ажлуудаа хэлэлцэх бүх ажилчдын нэгдсэн баярын хурал арга хэмжээг зохион байгууллаа.
Тус хурлын үеэр компанийн 2024 онд хийгдсэн ажлын гүйцэтгэлийн мэдээллүүдийг танилцуулж, 2025 оны ажиллах бүтэц, газар албадын ажлын төлөвлөгөөг ажилтнууддаа танилцуулан баталгаажуулж ҮР ДҮН-гийн гэрээ байгууллаа.
Мөн 2024 онд ажил хөдөлмөрөөрөө бусдыгаа манлайлан ажилласан шилдэг ажилчдаа шагнан алдаршууллаа.
- “САЛБАРЫН ТЭРГҮҮНИЙ АЖИЛТАН”-аар 22 ажилтанг шалгаруулж МӨНГӨН ШАГНАЛ
- “САЛБАРЫН ШИЛДЭГ АЖИЛТАН”-аар 18 ажилтанг шалгаруулж ГАДААД УЛСАД АЯЛАХ ЭРХИЙН БИЧИГ
- “ГРУППИЙН ШИЛДЭГ АЖИЛТАН”-аар 9 ажилтанг шалгаруулж МӨНГӨН ШАГНАЛ
- ГРУППИЙН ШИЛДГИЙН ШИЛДЭГ АЖИЛТАН-аар 9 ажилтанг шалгаруулж ОРОН СУУЦНЫ УРЬДЧИЛГАА ЭРХ-ийг гардууллаа
Мөн спортын салбарт амжилт гаргасан:
- Монгол Улсын Ерөнхийлөгчийн зарлигаар “УЛСЫН АРСЛАН” цол хүртсэн Өвөрхангай аймгийн Төгрөг сумын харьяат “Их Монголын Хүчтэн” дэвжээ НУТГИЙН БУЯН ГРУПП-ийн бөх Цэдэнсодномын Бямба-Отгонд компанийн зүгээс хүндэтгэл үзүүлж 50 сая төгрөгийн үнэлгээ бүхий эрхийн бичиг
- Тулгар төрийн 2233, Их Монгол Улсын 818, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмаар 5 давж УЛСЫН НАЧИН цол хүртсэн Өвөрхангай аймгийн Баян-Өндөр сумын харьяат “Их Монголын Хүчтэн” дэвжээ НУТГИЙН БУЯН ГРУПП-ийн бөх Төрбатын Довчинсэмбээд хүндэтгэл үзүүлэн ГАДААД УЛСАД ГЭР БҮЛИЙН ХАМТ АМРАХ эрхийн бичиг гардууллаа.
