Өнгөрөгч Ням гарагт буюу 2025 оны 02-р сар 09-ны өдөр Монгол Бөхийн өргөөнд зохион байгуулагдсан Баянзүрх дүүргийн түүхт 60 жилийн ойд зориулсан “Баянзүрх хайрхны хишиг” улс аймгийн цолтой хүчит 128 бөхийн барилдаанд Өвөрхангай аймгийн Төгрөг сумын харьяат, “Их Монголын Хүчтэн” дэвжээ Нутгийн Буян группийн бөх Монгол улсын арслан Цэдэнсодномын Бямба-Отгон амжилттай барилдан түрүүллээ.
Тус барилдаанд Ховд аймгийн Зэрэг сумын харьяат, улсын заан Баярхүүгийн Бат-Өлзий үзүүрлэсэн бол Шөвгийн дөрөвт Өвөрхангай аймгийн Зүүнбаян-Улаан сумын харьяат, улсын харцага Б.Цэдэнсодном, Өвөрхангай аймгийн Хархорин сумын харьяат, аймгийн хурц арслан О.Наранбаатар нар шалгарлаа. Харин шөвгийн наймд улсын начин Б.Даваа-Очир, улсын начин Э.Батмагнай, аймгийн арслан Я.Бумбаяр, аймгийн арслан Н.Намнансүрэн нар үлдэв.
